NEWS Summary for Today 23rd April, 2015.

Good evening my good people, i hope say una dey well...

This na the news summary for today.
Today na 23rd of April, 2015, and we been yan una many many story wey plenty. But we go take our time to talk again on the posts wey carry weight pass.

Today we been tell una say this bad people wey them the call Boko harram don change them name to Islamic State of West Africa. We talk again say EFCC Don nab former governor of Bayelsa State wey them the call Timipre Sylva sake of say them say him kolombi N48 billion naira wey no be him own.

Again, we tell una say Senate President carry greeting go give our new president wey them the call Buhari for him place. Buhari come talk say him no go gree until him collect all the money wey big big men and women the kolombi for office wey no be there own. Him talk say every man or woman wey sabi say him hand no pure, make the peson begin vomit watin him chop before kasala go bust for the person head.

Another thing wey we talk be say Audu Maikori, CEO of Chocolate City, wan comot for the CEO chair. Na sake of this matter na him we come the hear say e be like say na MI na him go take over the CEO chair.

Wey talk again say them don catch 3 coppers wey follow do wuru wuru for this election wey don pass. Dose coppers don suffer be that. The pictures wey we show una today plenty no be small. Throwback pictures of Ini Edo and Lola wey be Psquare wife. We add say Davido na the new ambassador for closeup tooth paste.

E never finish, we been tell una say wan man who wan go collect kidnap money wey oyibo the call ransom, don die. Them shoot am as him wan go collect money from the people wey him hold their children.

For foriegn news, we been yan give una say Rumer Willis talk say she been don the like one Actor wey them the call Ashton Kutcher even before the actor marry her mother. But sha, she talk say she no the vex sake of say she don forget the guy. One Islamic College for Austriallia talk say them don stop all them girls from job wey fit the make there leg open!

Before i forget, one Nigeria man talk say him the like kolombi small small girls sake of say him no get work
wey him the do.

Now as i wan sleep so, make you no forget to always enter this site www.burningsuccessblog.com everyday for plenty plenty news, stories and soo much more.

Make God bless all of Una.